საქართველო - დიდი ბრიტანეთი

ბრიტანეთის საელჩო: საქართველოს რეინჯერთა ათეული ბრიტანეთიდან ვერცხლის მედლებით დაბრუნდა

British Embassy Tbilisi

საქართველოში ბრიტანეთის საელჩო Facebook-ის ოფიციალურ გვერდზე წერს, რომ საქართველოს თავდაცვის ძალების სპეციალური ოპერაციების ძალების დასავლეთ ბატალიონის რეინჯერთა ათეული დიდი ბრიტანეთიდან საქართველოში ვერცხლის მედლებით დაბრუნდა.

"სწავლებაში Cambrian Patrol 2019 ქართულმა ქვედანაყოფმა, ურთულეს დავალებას გაართვა თავი. მათ 48 საათის განმავლობაში 65-კილომეტრიანი დისტანცია დაფარეს და ამ მარშრუტზე 10 სახის სადაზვერვო დავალება შეასრულეს.

ვულოცავთ საქართველოს თავდაცვის ძალების სპეციალური ოპერაციების ათეულს ამ გამარჯვებას!" - წერს ბრიტანეთის საელჩო Facebook-ის გვერდზე.

სწავლება ოქტომბერში უელსში ჩატარდა. ვერცხლის მედალი მეორე უმაღლესი ჯილდოა. 

საქართველოს თავდაცვის ძალებმა სწავლებაში Cambrian Patrol წელს უკვე მეექვსედ მიიღო მონაწილეობა. შარშან ისინი ქვეყანას ბრინჯაოს მედლებით დაუბრუნდნენ.

პროგრამა დიდი ბრიტანეთის თავდაცვის სამინისტროს მხარდაჭერით ხორციელდება და საქართველოსა და დიდ ბრიტანეთს შორის არსებული 2019/2020 წლის თავდაცვის მიმართულებით არსებული თანამშრომლობის გეგმის ნაწილია.

 

კომენტარები