"ინფორმაციის განვითარების და თავისუფლების ინსტიტუტმა" იკვლია, რა იცის საზოგადოებამ მოსამართლეთა შერჩევის პროცესის, კანდიდატების და სასამართლო სისტემის ინსტიტუტების შესახებ.
ერთ-ერთი კითხვა, რაც ორგანიზაციამ რესპონდენტებს დაუსვა, ეხებოდა პირველ ასოციაციას, რაც ახსენდებოდათ უზენაესი სასამართლოს მოსამართლეების შერჩევის პროცესთან დაკავშირებით.
- აღმოჩნდა, რომ გამოკითხულთა უმეტესობას, 64%-ს არანაირი ასოციაცია არ უჩნდება - კითხვაზაე პასუხი იყო "არ ვიცი".
- რესპოდენტთა 3%-მა თქვა, რომ დადებითი ასოციაცია უჩნდება.
- 20%-მა თქვა, რომ უარყოფითი.
სამი ყველაზე ხშირად დასახელებული ასოციაცია იყო:
- მოსამართლეები უვადოდ არ უნდა ინიშნებოდნენ - 6%;
- დაუცველობა - 3% და
- უნდობლობა - 2%.
დადებით ასოციაციებს შორის იყო:
- იმედი - 1%,
- პროცესი კარგი მიმართულებით მიდის - 0.6%
- სამართლიანი სასამართლო - 0.2%;
უარყოფით ასოციაციებად, მათ შორის, დასახელდა:
- უარყოფითი დამოკიდებულება - 2%
- უსამართლობა - 1%;
- კლანი - 1%
კვლევა სატელეფონოა და ის 2019 წლის 5-დან 11 სექტემბრის ჩათვლით ჩატარდა.
პარლამენტის იურიდიულ საკითხთა კომიტეტი უზენაესი სასამართლოს უვადო მოსამართლეობის კანდიდატებს უსმენს. პარლამენტის წინაშე სულ 20 კანდიდატი წარდგება. ისინი უზენაესი სასამართლოს უვადო მოსამართლის 20 ვაკანტური ადგილისთვის იბრძვიან.
