თბილისის "აბრეშუმის გზის ფორუმის" პარალელურად ოპერისა და ბალეტის სახელმწიფო თეატრთან მოძრაობა "სირცხვილიას" წევრებმა მცირე აქცია გამართეს. ფორუმზე ამ დროს მისასალმებელი სიტყვით საქართველოს პრემიერმინისტრი, გიორგი გახარია გამოდიოდა.
აქციის წევრების თქმით, გიორგი გახარიას დაპირდნენ, რომ ყველგან მივიდოდნენ, სადაც ის იქნებოდა. მათივე თქმით, პრემიერმინისტრს შეახსენეს, რომ "20 ივნისს რაც მოხდა, სირცხვილია".
22-23 ოქტომბერს თბილისი, საქართველოს მთავრობის ორგანიზებით, მესამე "აბრეშუმის გზის ფორუმს" უმასპინძლებს. მას "აბრეშუმის გზის ფორუმს" 60-ზე მეტი ქვეყნიდან 2 000 დელეგატი ესწრება. დღეს, 22 ოქტომბერს, ფორუმზე მისასალმებელი სიტყვით საქართველოს პრემიერმინისტრი, გიორგი გახარია და ნიუ-იორკის უნივერსიტეტის სტერნის ბიზნესის სკოლის ეკონომიკის პროფესორი ნოურიელ რუბინი გამოვიდნენ. ფორუმის სხვა ღონისძიებები „ბილტმორსა“ და „რედისონში“ გაიმართება.