საქართველოს შინაგან საქმეთა სამინისტროს ინფორმაციით, ძარცვის მცდელობის ბრალდებით პირობითი მსჯავრის ქვეშ მყოფი, 1993 წელს დაბადებული დ.კ. დააკავეს.
"გამოძიებამ დაადგინა, რომ დ.კ.-მ ქალბატონს ხელჩანთა გასტაცა, სადაც 710 ლარი და პირადი ნივთები იყო და შემთხვევის ადგილიდან მიმალვა სცადა. პატრულ-ინსპექტორებმა დ.კ. შემთხვევის ადგილიდან ახლოს, რამდენიმე წუთში დააკავეს. პოლიციამ ფული და პირადი ნივთები ნივთმტკიცების სახით ამოიღო", - ამბობენ შსს-ში.
გამოძიება ძარცვის მცდელობის ფაქტზე, საქართველოს სისხლის სამართლის კოდექსის 19-178-ე მუხლის პირველი ნაწილით მიმდინარეობს. დანაშაული 3-დან 5 წლამდე ვადით თავისუფლების აღკვეთას ითვალისწინებს.