CNN: თბილისი ლამაზი ევროპული ქალაქია, რომელსაც არც ისე ბევრი ტურისტი სტუმრობს

CNN-მა გამოაქვეყნა სტატია, რომელშიც ევროპის ის 20 ლამაზი ქალაქია ნახსენები, რომლებიც ტურისტების ნაკლებობას განიცდიან, მათ შორისაა თბილისიც.

“საქართველოს დედაქალაქი თბილისი ევროპასა და აზიას შორის მდებარეობს, მას ეს სახელი თბილი მინერალური წყაროების არსებობს გამო ეწოდა.

თბილისის გოგირდის აბანოები მისი სტუმრებისთვის მაგნიტია, ის მულტიეთნიკური ისტორიას მოიცავს. ცნობილი მეტეხის ტაძარი ჯერ კიდევ მე-13 საუკუნით თარიღდება, იქვეა ნარიყალაც, რომელიც სპარსელების შემოსევების დროს, მე-4 საუკუნეში ააგეს.

ქაოტურად განთავსებული ვიწრო ქუჩები და ძველი ქალაქის პატარა მაღაზიები საუკეთესო საშუალებაა დროის გასაყვანად”,- წერს CNN.

გარდა თბილისისა, სტატიაში ნახსენებია სხვა ევროპული ქალაქებიც, გთავაზობთ ფოტოკოლაჟს.