გირჩმა საპატრიარქოსთან აქცია გამართა.
როგორც ზურა ჯაფარიძემ თქვა, საპარლამენტთაშორისო მართლმადიდებლური ასამბლეის ერთ-ერთი მთავარი ორგანიზატორი საქართველოს საპატრიარქოა.
ჯაფარიძის თქმით, კარგია, რომ ირაკლი კობახიძეს და ზაქარია ქუცნაშვილს საზოგადოება პოლიტიკურ პასუხისმგებლობას სთხოვს, თუმცა,"ჯოხი ტყდება მხოლოდ კობახიძეზე და ჰაჰა, კიდევ ქუცნაშვილი იყოს უკან, ეს არ არის სწორი. ეს არ არის ძალიან მარტივი ამბავი და მარტო კობახიძე-ქუცნაშვილის ამბავი არ არის".
საპატრიარქოსთან აქცია მალევე დასრულდა. დემონსტრანტები ფეხით პარლამენტისკენ გაემართნენ, სადაც 7 საათზე აქცია დაიგეგმა.
20 ივნისს ასამბლეის სხდომის პარლამენტში ჩატარება იყო დაგეგმილი, თუმცა, იმ ფაქტმა, რომ სერგეი გავრილოვი პარლამენტის თავმჯდომარის ადგილას დაჯდა, ოპოზიციონერი დეპუტატების პროტესტი გამოიწვია. ევროპული საქართველოს და ენმ-ის დეპუტატებმა სერგეი გავრილოვს პარლამენტის თავმჯდომარის სავარძლის დაკავების საშუალება არ მისცეს. სიტყვიერი დაპირისპირების შემდეგ გადაწყდა, რომ მართლმადიდებლობის საპარლამენტთაშორისო ასამბლეის სხდომა პარლამენტში აღარ გაგრძელდებოდა.