ამერიკელი რეპერი Nipsey Hussle, ლოს ანჯელესში, ტანსაცმლის მაღაზიასთან მოკლეს. ის 33 წლის იყო.
CNN-ის ცნობით, თავდამსხმელმა რამდენჯერმე გაისროლა და ადგილიდან მანქანით მიიმალა. თვითმხილველები ამბობენ, რომ მანქანას ქალი მართავდა.
რეპერი და კიდევ 2 ადამიანი საავადმყოფოში გადაიყვანეს. მრავლობითი ჭრილობის გამო, მუსიკოსის გადარჩენა ვერ მოხერხდა. დანარჩენი ორი ადამიანის ჯანმრთელობის მდგომარეობა სტაბილურია.
აღსანიშნავია, რომ რეპერი Crips-ს ბანდასთან იყო დაკავშირებული.
ერმიას ასგედომმა, იგივე Nipsey Hussle-მ კარიერა 2010 წელს დაიწყო. მას ისეთ ვარსკვლავებთან უმუშავია, როგორიცაა რიანა, Snoop Dogg და სხვები. სადებიუტო ალბომისთვის კი გრემიზეც იყო ნომინირებული.
