სოფლის მეურნეობის სამეცნიერო კვლევითი ცენტრი მეგრული ჯიშის 10 ნეზვი და 1 ბოტი თეთრი ფერის თხის შესაძენად ტენდერს აცხადებს. მიზანი - გადაშენების ზღვარზე მყოფი მეგრული ჯიშის თხის მოძიება, შენარჩუნება და საკოლექციო სანაშენო ჯგუფის შექმნაა.
"შესასყიდ თხებს მოეთხოვებათ: კარგი განვითარება, ჯანმრთელობა, მეგრული ჯიშისათვის დამახასიათებელი ტიპიურობა და ჯიშის ნიშნების გამოხატვა; მაგარი კონსტიტუცია, მკვირცხლი ტემპერამენტი, კარგი ექსტერიერი მაგარი ძვალეულით" - წერია სატენდერო დოკუმენტაციაში.
შესყიდვის სავარაუდო ღირებულება 2500 ლარია.