"ლივერპულის" მთავარი მწვრთნელი იურგენ კლოპი და ლეგენდარული ფეხბურთელი კენი დალგლიში მერსისაიდელების 104 წლის გულშემატკივარ ბერნარდ შერიდანს შეხვდნენ.
შეხვედრის ვიდეო "ლივერპულის" ტვიტერის ოფიციალურმა გვერდმა გამოქვეყნა.
"104 წლის ხართ? ამდენ ქულას გოლფში ვაგროვებ", – იხუმრა კლოპმა.
შეხვედრა ლივერპულისა და კრისტალ პალასის მატჩის შემდეგ (4:3) "ენფილდზე“ შედგა. კლოპი შერიდანს გაესაუბრა, ხოლო შემდეგ 104 წლის გულშემატკივარს წითლების ლეგენდარული თავდამსხმელი კენი დალგლიშიც გამოელაპარაკა.