პროპორციული საპარლამენტო არჩევნების ჩატარების მოთხოვნით, დღეს გაერთიანებულმა ოპოზიციამ პარლამენტის შენობის წინ აქცია გამართა.
სხვადასხვა ოპოზიციის ლიდერებთან ერთად შეკრებილ დემონსტრანტებს სიტყვით "ძალა ერთობაშიას" საპრეზიდენტო კანდიდატმა გრიგოლ ვაშაძემაც მიმართა.
ვაშაძის თქმით, გაერთიანებული ოპოზიცია საპრეზიდენტო არჩევნების შედეგების გაუქმების მოთხოვნით სარჩელს სასამართლოში შეიტანს.
მისი თქმით, პოლიტიკური კრიზისიდან გამოსასვლელად "გაერთიანებული ოპოზიცია" ხელისუფლებას ვადას 16 დეკემბრამდე აძლევს, რათა მათ სამუშაო ჯგუფი შექმნან.
აქციაზე ყოფილი პრეზიდენტი მიხეილ სააკაშვილი Skype-ით ჩაერთო.