ელისაშვილი: მაშინ გააუქმონ არჩევნები, სულ ჩვენ ვიქნებით და ომიც აღარ იქნებაო

როცა ხელისუფლება საუბრობს, რომ მათი კანდიდატის დამარცხების შემთხვევაში სამოქალაქო ომი დაიწყება, ეს აღმაშფოთებელია. მაშინ არჩევნებს რატომ ატარებენ? მაშინ რა აზრი აქვს არჩევნებს? თქვან, რომ ჩვენ არჩევნებს აღარ ჩავატარებთ, რადგან რომ ჩავატაროთ და წავაგოთ, შეიძლება ომი დავიწყოთ. ამას ამბობენ? ან რა ლოგიკაა, ან რა სინდისია, ან რა სახელმწიფოებრივი პოზიციაა. მაშინ გააუქმონ არჩევნები, სულ ჩვენ ვიქნებით და ომიც აღარ იქნებაო. ნუ თამაშობენ ამ თემით. ეს არის ძალიან მტკივნეული თემა. ძლივს ვიშუშებთ სამოქალაქო ომის, რუსთაველის დანგრევის, სამეგრელოს დაწიოკების ჭრილობებს და ბოლომდე მოშუშებული არაა. ასეთ თემებზე ლაპარაკს უნდა მოეშვან, განსაკუთრებით ხელისუფლების წარმომადგენლები