ვიეტნამის პრეზიდენტი ჩან დაი კუანგი ავადმყოფობის შედეგად 61 წლის ასაკში გარდაიცვალა.
ის ჰანოის სამხედრო საავადმყოფოში მკურნალობდა. ქვეყნის ჯანდაცვის ყოფილი მინისტრის თქმით პრეზიდენტს სიმპტომები ივნისში გამოუვლინდა და იაპონიაში სამკურნალოდ ექვსჯერ ჩავიდა, თუმცა ამ ვირუსის მკურნალობის ეფექტური გზა ამ დრომდე არ აღმოუჩენიათ.
ვიეტნამს პრეზიდენტთან ერთად პრემიერმინისტრი, კომუნისტური პარტიის ლიდერი და ეროვნული ასამბლეის თავმჯდომარე მართავენ. მიუხედავად პოლიტბიუროს წევრობისა, პრეზიდენტს ძირითადად ცერემონიული როლი აქვს. სანამ ეროვნული ასამბლეა ახალ პრეზიდენტს დანიშნავს, მოვალეობებს ვიცე-პრეზიდენტი შეასრულებს.