აკი ბაშოს XI დღე ქართველი ფალავნისთვის - ლევან გორგაძისთვის წარმატებული აღმოჩნდა. ტოჩინოშინმა ურთულესი მეტოქე იოკოძუნა კაკურიუ იორიკირის ილეთით დაამარცხა. ეს მიმდინარე ბაშოზე კაკურიუს პირველი წაგებაა.
ტოჩინოშინის ტურნირზე მოგება-წაგების ბალანსი 7:2-ზე გაუხდა. ამგვარად, ერთი მოგებაც და ის მიზანს მიაღწევს - ოძეკის სტატუსს შეინარჩუნებს.
ხვალ, ლევან გორგაძე მისთვის უსიამოვნო მეტოქეს - ჰაკუჰოს დაუპირისპირდება. ტოჩინოშინს მონღოლი მხოლოდ ერთხელ ჰყავს დამარცხებული, ჰაკუჰოს კი, ქართველ ფალავანთან 25 მოგება აქვს.
