ოკუპირებული აფხაზეთის დე ფაქტო ვიცეპრეზიდენტი, ვიტალი გაბნია თავში ჭიქის ჩარტყმის გამო თანამდებობიდან გადადგა.
„ყველას გსმენიათ ჩხუბზე, რომელშიც მე ვმონაწილეობდი. საჭიროდ ვთვლი ამაზე საუბარი. 5-კაციანი ჯგუფს დაძაბული საუბარი ჰქონდა. ამ ჯგუფიდან ერთ-ერთი კაცი მშვიდად ადგა, ყოველგვარი აგრესიის გარეშე და უკნიდან თავში ჭიქა ჩამარტყა. ვალდებული ვარ გადავდგე იმის გამო, რომ ღირსება დავიცვა. ეს პოლიტიკას არანაირად არ უკავშირდება“-თქვა გაბნიამ პრესკომფერენციაზე.
ვინ და რა მიზეზით გააკეთა ეს, გაბნია არ ამბობს. შემთხვევის დეტალები უცნობია.
ვიტალი გაბნია ამ თანამდებობაზე 2014 წლის სექტემბრიდან იყო.
