ქართველი მწერალი ივა ფეზუაშვილი აიოვას მწერალთა საერთაშორისო პროგრამაში მიიღებს მონაწილეობას.
ბოლო 14 წლის განმავლობაში ეს პირველი შემთხვევაა, როდესაც აიოვას მწერალთა საერთაშორისო პროგრამაში ქართველი მონაწილეობს. ივა ფეზუაშვილი 2018 წლის 18 აგვისტოდან 6 ნოემბრის ჩათვლით გაემგზავრება აიოვა სითიში.
"დიდი სიხარულით ვულოცავთ ივას ამ მიღწევას და წარმატებას ვუსურვებთ" - წერს საქართველოში აშშ-ის საელჩო და აღნიშნავს, რომ აშშ-ის ქალაქ აიოვა სითის იუნესკომ ლიტერატურის ქალაქის სტატუსი დიდწილად ამ პროგრამის გამო მიანიჭა.
