საბერძნეთის კუნძულზე კატების მომვლელის ვაკანსია გამოცხადდა

საბერძნეთში, საქველმოქმედო ორგანიზაცია Godʼs Little People Cat Rescue-მა კატების მომვლელზე ვაკანსია გამოაცხადა. ამის შესახებ BBC წერს. 

პირმა, რომელსაც ამ სამსახურში აიყვანენ, კუნძულ სიროსზე მცხოვრებ 55 კატას უნდა მოუაროს.

მოთხოვნებში წერია, რომ სამსახურის მსურველი 45 წლამდე უნდა იყოს, კატებთან ადვილად შედიოდეს კონტაქტში, ისინი შემოიჩვიოს და საჭიროების შემთხვევაში დაიმორჩილოს  და განკურნოს კიდეც 

სამუშაო დროის სავარაუდო ხანგრძლივობა 4 საათია, გამოსაცდელი ვადა კი 1 თვეა, რის შემდეგაც წარმატებულ კანდიდატს მინიმუმ ნახევარწლიან კონტრაქტს გაუფორმებენ.

ხელფასის გარდა, მომვლელს სთავაზობენ უფასოდ იცხოვროს კერძო, კომფორტულ სახლში, რომელიც ეგეოსის ზღვას გადაჰყურებს და აქვს ლამაზი დიდი ეზო.