საგანგებო სიტუაციების მართვის სამსახურის შავი ზღვის სანაპიროზე დამსვენებლებს აფრთხილებს. უწყების ინფორმაციით, დღეს, 4 აგვისტოს, ზღვაზე მოსალოდნელია 3-4-ბალიანი შტორმი, რის გამოც ბანაობა აკრძალულია.
"შავი ზღვის სანაპიროზე, ყველა სამაშველო კოშკურაზე აღმართულია წითელი ალამი. ყურადღება მიაქციეთ ამკრძალავ ნიშნებს. კოშკურებზე თეთრი ალმის აღმართვის შემთხვევაში ზღვაში შესვლა ნებადართული იქნება", - აღნიშნავენ საგანგებო სიტუაციების სამსახურში.
მათი ინფორმაციით, აკრძალვა 5 აგვისტოს 10:00 საათამდე მოქმედებს.
უწყება მოსახლეობას უსაფრთხოების წესების დაცვისკენ მოუწოდებს.
