მალენა. სიცილია, ულამაზესი მონიკა ბელუჩი, მასზე შეყვარებული 13 წლის ბიჭი, მამაკაცების თაყვანისცემის და ქალების შურის ობიექტი ქვრივი მალენას ისტორია
აუზი. ფრანსუა ოზონის შესანიშნავი ფილმი ასევე შესანიშნავი შარლოტა რემპლინგის მონაწილეობით. სამხრეთ საფრანგეთის ულამაზეს ბუნებაში ჩახლართული ისტორია ვითარდება - მკვლელობის გარშემო.
ფრანგული კოცნა. რომანტიკული კომედია მეგ რაიანის მონაწილეობით - ფრანგული ვენახებით და რივიერათი. 
კაშკაშა მზეზე. "ნიჭიერი მისტერ რიპლის" ორიგინალი ადაპტაცია ულამაზესი ალენ დელონით პირველ მთავარ როლში.
მხოლოდ შენ. რობერტ დაუნი უმცროსისა და მარისა ტომეის ისტორია. შეუძლებელია, ეს ფილმი არ შეგიყვარდეთ - ვენეციიდან პოზიტანომდე.
თანამედროვე ოდა სიცილიას. ტილდა სვინტონი, რალფ ფაინსი, სექსი, მკვლელობა და იტალია - მეტს რას ითხოვთ ფილმებისგან?
კაპიტან კორელის მანდოლინა. თუნდაც ნიკოლას ქეიჯი გძულდეთ (გაგიგებთ), ეს ფილმი მაინც გულს გაგითბობთ. პენელოპა კრუზის ხიბლსაც ვერ გაექცევით.
ოთახი ხედით. ფლორენცია, პატარა ელენა ბონემ კარტერი, დენიელ დეი ლუისი, ჯუდი დენჩი - სხვა მიზეზი გჭირდებათ, რომ ფილმი ნახოთ?
ვიკი კრისტინა ბარსელონა. ვუდი ალენის ერთ-ერთი საუკეთესო თანამედროვე ფილმი, რომელიც მხოლოდ ზედმეტად გულრგილ ადამიანს არ მოანდომებს ესპანეთში თავგადასავლების საძიებლად ჩასვლას.
და ღმერთმა შექმნა ქალი. ბრიჯიტ ბარდოს პირველი საერთაშორისო მნიშვნელობის როლი. 18 წლის ობოლი დაუღალავია სიამოვნების ძიებაში, თან სენ-ტროპეში.
მოპარული სილამაზე. ღვთაებრივად ლამაზი ლივ ტაილერი ბერტოლუჩის ძალიან ლამაზ ფილმში. ლივ ტაილერის ამერიკელი გმირი ევროპაში სიყვარულის საძიებლად ჩადის.
ფოსტალიონი - უპრეტენზიო და ლამაზი ფილმი იტალიაზე, რომელიც კარგად გვაჩვენებს ამ ქვეყნის მომხიბვლელობას
კარგი წელი. რასელ ქროუ და მარიონ კოტიარი ძალზედ რომანტიკულად დანახულ პროვანსში.მიუხედავად იმისა, ევროპაში აპირებთ ზაფხულის გატარებას, უკვე გაგიტარებიათ, ან უბრალოდ ოცნებობთ ამაზე, ეს ფილმები ემოციურ დამოკიდებულებას გაგიმძაფრებთ და თავგადასავლების საძიებლად ევროპისკენ გამგზავრებას მოგანდომებთ. სია მით უმეტეს გამოგადგებათ, თუ უკვე გგონიათ, რომ ყველა ფილმი ან ტელეშოუ ნანახი გაქვთ და აღარ იცით, რას უყუროთ.
