ისინი [დიმიტრი ქუმსიშვილი და ზურაბ ალავიძე] დაკითხეს 20 დღის წინ და ამ ხნის განმავლობაში ინფორმაცია გარეთ არ გამოსულა. ამას მალავდა პროკურატურა, ვერც ჟურნალისტებმა შეიტყვეს და მოულოდნელად ოფიციალური განცხადება კეთდება პროკურატურის მხრიდან. ანუ არის პირდაპირი დავალება, ან პარტიიდან, ან ივანიშვილიდან, რომ ეს საკითხი ყოფილიყო გამჟღავნებული და მათზე განხორციელებულიყო საზოგადოებრივი თუ სხვა სახის წნეხი. მთავრი პრინციპი აქ არის ის, რომ არავის ეპატიება ოდნავადაც კი ურჩობა. კვირიკაშვილის მიერ კარების მოჯახუნება ეს იყო ცუდი სიგნალი სხვებისთვისაც, თურმე მეფე შიშველია და თურმე მეფისთვისაც შესაძლებელია პატარა ალიყურის შემორტყმა, ამიტომ ეს პროცესი რომ არ გაღრმავდეს, მათ ზომები მიიღეს, ეს არის საჩვენებელი პროცესი, არავის დააკავებენ, არასდროს ამ ხელისუფლებაში კორუფცია არ იქნება გამოძიებული, ეს უბრალოდ თითის დაქნევაა არა მარტო მათთვის, არამედ სხვებისთვისაც, რომ მეორეჯერ არ გაბედონ დამოუკიდებლობის გამოვლენა
რომან გოცირიძე
გოცირიძე: კვირიკაშვილის მიერ კარის მოჯახუნება იყო ცუდი სიგნალი სხვებისთვისაც
