იმდენად ცნობილი აქტივისტია [ელჩინ ალახვერდიევი] რომ ხმის დათვლისას ელექტრიკი ყოფილა, ღამით ჭრიდა დენის ბოძებს და აქრობდა შუქს. და ეს ადამიანი მოდის და აგინებს ნაციონალური მოძრაობის სახელით, რომლის წევრიც არ არის, აგინებს ქართული ოცნების გამგეობის წევრს. აქ არის შიდა პოლიტიკური ბრძოლა, შეიძლება ამათ მოუწყვეს ამ გამგეობის თავმჯდომარეს [თემურ აბაზოვს] რაღაც პროვოკაცია შიდა დაჯგუფებებმა. ოცნების მიერ დადგმულ ამ ხაფანგში, ფაქტობრივად ნაციონალური მოძრაობის სახელით გაკეთებულ განცხადებაში გააბეს ჩვენი ადგილობრივი ორგანიზაცია.
tbl.ge/2z8y
დაკოპირდა
მარნეულის ინციდენტთან დაკავშირებით რუსთავი 2-ის ეთერში ამბობს ერთიანი ნაციონალური მოძრაობის საპარლამენტო ფრაქციის თავმჯდომარე რომან გოცირიძე. შეგახსენებთ, რომ მარნეულის მერ თემურ აბაზოვს 5-დან 10-წლამდე პატიმრობა ემუქრება. პროკურატურა თემურ აბაზოვს მოხელის ან მასთან გათანაბრებული პირის მიერ ჯგუფურად დამამცირებელ ან არაადამიანურ მოპყრობას ედავება. პროკურატურის ინფორმაციითვე, ინციდენტში მონაწილეობდნენ პარლამენტის წევრი ერთიანი ნაციონალური მოძრაობიდან აზერ სულეიმანოვი, მარნეულის მუნიციპალიტეტის საკრებულოს წევრი პარტია ქართული ოცნებიდან რამინ ალახვერდიევი, მარნეულის მუნიციპალიტეტის მერის ნათესავი ე.გ და სხვა პირები.
ამავე თემაზე
- კილაძე აბაზოვის სიაში ჩასმაზე: თუ გუნდი გადაწყვეტს, ამაში ცინიკური და ცუდი არაფერია
- ვოლსკი აბაზოვის სიაში ჩასმაზე: ჯანდაბა, რავი, რატომ მოიგონა
- "ოცნება" აბაზოვის სიაში ჩასმაზე: არ განიხილებოდა და არც განიხილება
- აბაზოვი: მერი ვიყავი, შეცდომა არ მქონდა, ალახვერდიევი სამსახურში არ მივიღე და შური იძია
- მდინარაძე აბაზოვზე: ყოველთვის სპეკულაციური გამოდის განაჩენზე თქმა, რომ ის არაკანონიერია