მელორ ვაჩნაძის ფოტო კაფე გალერიდან, რომელიც მან თავის facebook გვერდზე 2017 წლის ივლისში დადო.
მელორ ვაჩნაძე გუშინ 14 მაისს გამართულ ქსენოფობიური ულტრანაციონალისტური ჯგუფების აქციაში მონაწილეობდა. ის რამდენჯერმე სიტყვითაც გამოვიდა. ამ აქციის ერთერთი მოთხოვნა, კლუბ "ბასიანისთვის" სახელის გადარქმევასთან ერთად, კაფე გალერის მის მიერ დაკავებული ადგილიდან გამოსვლა იყო.
"მოდით, სიტყვა ვთქვათ და შევასრულოთ, ბასიანს შევაცვლევინოთ სახელი და გალერი გაეთრიოს წმინდა ადგილიდან, ეკლესიიდან", - ამბობდა დიმიტრი ლორთქიფანიძე. მისი თქმით, კაფე გალერი "დიდი უკრაინელი წმინდანის თეოდოსი ჩერნოგოველის ეკლესიაში არის განთავსებული".
