ხვალ, 3 მაისს, 10:00 საათიდან 16:00 საათამდე მარნეულის მუნიციპალიტეტის სოფლებს - ბალახაური, მუხრანა, სავანეთი, ტალავერი, ჭაპალა და ხიდისყური - გაზმომარაგება შეუწყდება. სოკარის ცნობით, მიზეზი გაზსადენზე მიმდინარე სარემონტო-საექსპლუატაციო სამუშაოებია.
"აბონენტებს ბუნებრივი გაზის მიწოდება 3 მაისის 16:00 საათიდან, სამუშაოების დასრულებისთანავე, ეტაპობრივად აღუდგებათ. "სოკარ ჯორჯია გაზი" ბოდიშს გიხდით შექმნილი დისკომფორტისთვის და აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები" - აცხადებს კომპანია.
