საავტომობილო გზების დეპარტამენტის ინფორმაციით, ალპანა-ცაგერის საავტომობილო გზაზე ყველა სახის ავტოტრანსპორტის მოძრაობა აღდგა.
"ჩატარებული ინტენსიური გაწმენდითი სამუშაოების შედეგად, შიდასახელმწიფოებრივი მნიშვნელობის ალპანა-ცაგერის საავტომობილო გზის მე-16 კმ-ზე ყველა სახის ავტოტრანსპორტის მოძრაობა თავისუფალია", - აცხადებენ უწყებაში.
აღნიშნულ მონაკვეთზე ავტოტრანსპორტის მოძრაობა 7 მარტს ჩამოსული კლდოვანი მასის გამო იკრძალებოდა.
