უდიდესი პატივისცემით ვულოცავ ყველა ქალბატონს 8 მარტს - ქალთა საერთაშორისო დღეს, ვუსურვებ თითოეულ მათგანს ბედნიერებას და დიდ წარმატებას. ჩვენდა საამაყოდ შეიძლება ითქვას, რომ საქართველოში ისტორიულად ყოველთვის დაფასებული იყო ქალის როლი საზოგადოებისა და ქვეყნის განვითარებაში. ჯერ კიდევ მე-12 საუკუნეში გვყავდა მეფე თამარი. მე-20 საუკუნის დასაწყისში კი, როდესაც პოლიტიკურ პროცესებში და საზოგადოებრივ ცხოვრებაში ქალების მონაწილეობა იშვიათობა იყო, საქართველოს დამოუკიდებელ რესპუბლიკას უკვე ჰყავდა პოლიტიკური პარტიისა და დამფუძნებელი კრების წევრი ქალები. წელს, როდესაც ჩვენ დემოკრატიულ რესპუბლიკად გამოცხადების 100 წლისთავს აღვნიშნავთ, არ შეიძლება არ გავიხსენოთ ელისაბედ ნაკაშიძე-ბოლქვაძე, ელეონორა ტერ-ფარსეგოვა-მახვილაძე, მინადორა ორჯონიკიძე-ტოროშელიძე, ქრისტინე შარაშიძე და ანა სოლოღაშვილი - პირველი ქართველი პარლამენტარი ქალები, რომლებმაც თავისი წვლილი შეიტანეს სახელმწიფოებრივ საქმეში.
tbl.ge/2tl3
დაკოპირდა
ამავე თემაზე
- ქუთაისის კინოთეატრმა "საქართველომ" ქალებს 8 მარტი რუსული პოსტერებით მიულოცა
- რატომ ვერ გადიან ქალები აქციაზე? - 8 მარტი ზუგდიდში
- პრეზიდენტი: საქართველოს განვითარებას სჭირდება მეტი ქალი პოლიტიკაში
- მე ვარ ქალი, მაღიარე! - ტრანსგენდერ ქალთა მხარდამჭერი აქცია იუსტიციის სახლთან
- მაკდონალდსმა 8 მარტის მხარდასაჭერად ლოგო "M" ამოატრიალა