5 წლის ტილონ პიტმანმა How the Grinch Stole Christmas-ის ყურების შემდეგ პოლიცია გამოიძახა.
ბავშვმა პოლიციელებს უთხრა, რომ მას გრინჩის შეეშინდა, რადგან ის შობის მოპარვას აპირებდა.
"მინდა, რომ გთხოვოთ, უყუროთ პატარა გრინჩს, იმიტომ რომ ის შობის მოპარვას აპირებს. კარგით?"- უთხრა ბავშვმა პოლიციელებს.
სახლში ტილონის მამაც იყო, რომელმაც პოლიციელებს ბოდიში მოუხადა.
სამართალდამცველებმა ტილონი და მისი ოჯახი პოლიციის განყოფილებაში დაპატიჟეს, მათ გადაწყვიტეს, გრინჩის დაპატიმრების სცენა გაეთამაშებინათ.
განყოფილებაში მისულ ოჯახს გრინჩი მართლაც [რეალურად კი, გრინჩის ფორმაში ჩაცმული მსახიობი] პოლიციის მანქანაში დაპატიმრებული დახვდათ.
