რუსთაველის გამზირზე საახალწლო დეკორაცია დააზიანეს

რუსთაველის გამზირზე საახალწლო დეკორაცია დააზიანეს. შპს “თბილსერვის ჯგუფის” დირექტორის ლევან ჯღარკავას თქმით, ფაქტი თანამშრომლებმა გეგმური შემოვლისას აღმოაჩინეს. 

“საღამოს ჩვენი სამსახურის თანამშრომლებმა გეგმური შემოვლისას ვანდალური ფაქტი დააფიქსირეს. დაზიანებულია რუსთაველის გამზირზე განთავსებული საახალწლო დეკორაცია. გარეგანათებისა და ექსპლუატაციის სამსახურის თანამშრომლებმა უმოკლეს ვადაში მოახდინეს რეაგირება და ვანდალურად დაზიანებული საათები აღადგინეს”, - განაცხადა ჯღარკავამ და აღნიშნა, რომ საახალწლო ბურთის დაზიანება, სამწუხაროდ, "მიზანმიმართულად ჩადენილი ქმედება იყო".