რუსული "როსკოსმოსი" 2019 წლიდან ტურისტების კოსმოსში გაგზავნას გეგმავს. ამის შესახებ ინფორმაცია კორპორაციის დირექტორმა იგორ კომაროვმა რუსულ მედიაში გაავრცელა.
"ვფიქრობ, რომ უახლოეს 2 წელში შევძლებთ კოსმოსში პირველი ტურისტი გავგზავნოთ. ეს ხომ მარტივი პროცედურა არ არის და ერთი ან ორი კვირა მომზადებისთვის საკმარისი, რა თქმა უნდა, არ იქნება." - განაცხადა კომაროვმა.
ტურისტს კოსმოსში გაფრენა დაახლოებით 2 მილიარდი რუბლი ($35 მლნ) დაუჯდება. "როსკოსმოსში" აცხადებენ რომ ფასის ფარგლებში ტურისტს ღია სივრცეში გასვლის საშუალებასაც მისცემენ.
კორპორაციის წარმომადგენლების თქმით, ტურისტული კოსმოსური ხომალდის შექმნაზე მუშაობა უკვე დაწყებულია.
