ნიუ იორკში, მანჰეტენზე, თაიმს სქუერთან ახლოს, ავტობუსის სადგურზე აფეთქება მოხდა. ABC ნიუსი წყაროზე დაყრდნობით აცხადებს, რომ ტერმინალის გასწვრივ მდებარე ქუჩაზე, სავარაუდოდ, დეტონატორი ააფეთქეს.
BBC-ის ცნობით, შემთხვევის შედეგად რამდენიმე ადამიანი დაშავდა. დაკავებულია ერთი ადამიანი.
პოლიციამ ნიუ იორკის მეტროს A, C და E სადგურებზე ადამიანების ევაკუაცია დაიწყო.
Port Authority-ის ავტობუსის ტერმინალი აშშ-ის მასშტაბით ყველაზე დიდი სადგურია. ის წელიწადში 65 მილიონზე მეტ ადამიანს ემსახურება.
ამ ეტაპზე უცნობია, არის თუ არა მომხდარი ტერორისტული აქტის მცდელობა.
