ვერა შულცი რუსეთის ქალაქ სტავროპოლიდან ანორექსიას დიდი ხნის განმავლობაში ებრძოდა, 2014 წელს კი, მისმა წონამ კრიტიკულ ზღვარს - 33 კილოგრამს მიაღწია.
ვერა შულცს სურვილი ჰქონდა, რომ ფიტნეს ინსტრუქტორი გამხდარიყო, ამიტომ მან რამდენიმე წლიანი მკურნალობისა და მუშაობის შემდეგ, შეძლო დაეძლია ანორექსია და დღეს ის 60 კილოგრამს იწონის.
როდესაც შულცი თავის მდგომარეობას იხსენებს, ამბობს, რომ იგი მუდმივად ჰაერის ნაკლებობას განიცდიდა, ლიფტის გამოყენების გარეშე მე-5 სართულზე ასვლისთვის, დაახლოებით 1 საათი სჭირდებოდა. ვერას ოჯახმა მისი დაავადების შესახებ არაფერი იცოდა.
დღეს ვერა შულცი ერთ-ერთი სავარჯიშო დარბაზის ფიტნეს ინსტრუქტორია.
