ესპანური მედიის ცნობით, ბარსელონაში განხორციელებული ტერაქტის უშუალო შემსრულებელი იუნეს აბუიაქუბი კატალონიის ქალაქ სან-სადურნიდ ანოიაში დააკავეს.
ესპანეთის პოლიცია ტერორისტის დასაკავებლად რეიდებს ქვეყნის მასშტაბით ახორციელებდა. ძებნა დაწყებული იყო ევროკავშირის მასშტაბითაც.
ბარსელონაში მომხდარ ტერაქტთან დაკავშირებით დაკავებულია 8 ეჭვმიტანილი, 5 კი ლიკვიდირებულია.
17 აგვისტოს, ბარსელონას ცენტრში სატვირთო ავტომობილი ხალხის მასაში შევარდა, შემდეგ კი ორი შეიარაღებული პირი ახლომდებარე რესტორანში შეიჭრა.
ტერაქტის შედეგად დაღუპულია 13 ადამიანი, 80-ზე მეტი კი დაშავებულია. დაშავებულთაგან 15-ის მდგომარეობა კრიტიკულია.
ბარსელონაში მომხდარ ტერაქტზე პასუხისმგებლობა ე.წ. ისლამურმა სახელმწიფომ აიღო.