გურჯაანის რაიონის სოფელ ვეჯინის გამგებელი ცეცხლსასროლი იარაღით დაჭრეს.
როგორც ტაბულას შინაგან საქმეთა სამინისტროში უთხრეს, მამაკაცს სანადირო თოფიდან ესროლეს და ჭრილობა ფეხის არეში აქვს მიყენებული. შსს-ს ინფორმაციითვე, მისი მდგომარეობა სტაბილურია. მომხდარის მიზეზი ურთიერთშელაპარაკება გახდა.
ბრალდებული უკვე დაკავებულია, იარაღი კი ნივთმტკიცებად არის ამოღებული. გამოძიება სისხლის სამართლის კოდექსის 117-ე მუხლით მიმდინარეობს, რაც სხეულის განზრახ მძიმე დაზიანებას ითვალისწინებს.
