ქარელის რაიონში დედა-შვილი მოკლეს

ქარელის რაიონის სოფელ ტახტისძირში დედა-შვილი მოკლეს. მკვლელობა, სავარაუდოდ, ცეცსლსასროლი იარაღით, 2 დღის წინ მოხდა.

შინაგან საქმეთა სამინისტროში ტაბულას უთხრეს, ჩანიშნულია ყველა შესაბამისი ექსპერტიზა და მიმდინარეობს საგამოძიებო მოქმედებები.

უწყების ცნობით, გამოძიება სისხლის სამართლის კოდექსის 109-ე მუხლის მესამე ნაწილით მიმდინარეობს, რაც ორი ან მეტი პირის მკვლელობას დამამძიმებელ გარემოებაში გულისხმობს. მუხლი თექვსმეტიდან ოც წლამდე ან უვადო თავისუფლების აღკვეთას ითვალისწინებს.