კახიძე: კალაძის ზონდერებმა რომ პოლიციელს ურტყეს, ის არ იყო მუნდირის შეურაცხყოფა?

მოძრაობა თავისუფლებისთვის - ევროპული საქართველოს წევრი ოთარ კახიძე Facebook-ის საკუთარ გვერდზე ეხმაურება "Birja Mafia"-ს რეპერების დაკავებას. რეპერებს ბრალად ედებათ დიდი ოდენობით ნარკოტიკული საშუალების შეძენა-შენახვა, თუმცა დაკავებულები ბრალს არ აღიარებენ და ამბობენ, რომ პოლიციელებმა ნარკოტიკი ჩაუდეს, რადგან მათ თავიანთ ბოლო კლიპში პოლიციელი გააშარჟეს. ორივე მათგანს დღეს თბილისის საქალაქო სასამართლომ ორ-თვიანი წინასწარი პატიმრობა შეუფარდა.