დიდ ბრიტანეთში საპარლამენტო არჩევნები მიმდინარეობს.
40 000-ზე მეტი საარჩევნო უბანი გაიხსნა. რეგისტრირებული კი 46.4 მილიონი ამომრჩეველია.
საარჩევნო უბნები ადგილობრივი დროით 07:00 საათზე გაიხსნა და 22:00-ზე დაიკეტება.
წინასაარჩევნო გამოკითხვების მიხედვით, არჩევნებში მმართველი კონსერვატიული პარტია გაიმარჯვებს. შედეგების თანახმად, კონსერვატიულ პარტიას ხმას ამომრჩეველთა 43.4 % მისცემს (365 მანდატი), ლეიბორისტულ პარტიას კი 36 % (208 მანდატი).
პარტიას, რომელიც მანდატების ნახევარზე მეტს მიიღებს, მთავრობის ფორმირების უფლება მიენიჭება. საამისოდ კი, 326 მანდატის მოპოვებაა საჭირო.
არჩევნების საბოლოო შედეგები ხვალ გამოცხადდება.