შსს-ს საპატრულო პოლიციის დეპარტამენტის ცნობით, პოლიციელის პროფესიული დღისადმი მიძღვნილ საზეიმო ღონისძიებასთან დაკავშირებით, თბილისში, მიტროფანე ლაღიძისა და ნოე რამიშვილის ქუჩებზე, ასევე, კახეთის გზატკეცილზე - ე.წ. ჯავახეთის ხიდებიდან მეტროსადგურ "სამგორამდე", ავტომანქანების გადაადგილება აიკრძალება 30 მაისს, 15:00 საათიდან 18:00 საათამდე და 31 მაისს, 09:00 საათიდან 14:00 საათამდე, ღონისძიების დასრულებამდე.
პოლიციის დღესთან დაკავშირებული ღონისძიება 31 მაისს გაიმართება.
