ქართული ოცნების დეპუტატი ირაკლი სესიაშვილი ერთიანი ნაციონალური მოძრაობის მიერ გავრცელებულ ინფორმაციას მის შვილთან დაკავშირებით სიბინძურესა და ტყუილს უწოდებს. კომენტარი მან ინტერპრესნიუსს მისცა.
"უწესიერესი, უმაგრესი შვილი მყავს, რომელიც მთლიანად ორიენტირებულია სწავლა-განათლებაზე. ასეთი გამოგონილი სიბინძურე და ტყუილი არასდროს მინახავს", - თქვა სესიაშვილმა და აღნიშნა, რომ რეაგირებისთვის კონსულტაციებს იურისტებთან გაივლის.
ერთიანი ნაციონალური მოძრაობის ინფორმაციით, ირაკლი სესიაშვილის შვილს ჩადენილი დანაშაულისთვის საგამოძიებო უწყებებმა ხელი დააფარეს.