სომხეთის საპარლამენტო არჩევნებში მმართველი, რესპუბლიკური პარტია ლიდერობს. 1886 საარჩევნო უბნის შედეგების დათვლის შედეგად, რესპუბლიკურ პარტიას ხმების 46 % აქვს.
მეორე ადგილზე "ცარუკიანის ბლოკია", რომელმაც ხმების 25 % მიიღო. ალიანს იელქის ხმების 10 % აქვს, პარტია "დაშნაკ ცუთიუნს" კი 5 %.
სხვა პარტიები და საარჩევნო ბლოკები ჯერჯერობით ზღვარს მიღმა რჩებიან. პარლამენტში მოსახვედრად პარტიებმა 5 %-იანი ბარიერი უნდა გადალახონ, საარჩევნო ბლოკებმა კი 7%-იანი ბარიერი.
სომხეთის ცენტრალური საარჩევნო კომისიის ცნობით, ამ ეტაპზე დათვლილია ხმების თითქმის სრულად არის დათვლილი.
ადგილობრივი მედიის ცნობით, რეგისტრირებული 2 587 706 ამომრჩევლიდან ხმა 1 574 947 მისცა, შესაბამისად, არჩევნებზე აქტივობა 60,86% იყო.