შინაგან საქმეთა სამინისტროს პრესსამსახურის ცნობით, მეტრო 300 არაგველის მიმდებარე ტერიტორიაზე ნასვამმა მამაკაცმა უბნის ინსპექტორ გამომძიებელს სახის არეში ცივი იარაღით დაზიანება მიაყენა.
უწყების ინფორმაციით, გლდანი-ნაძალადევის სამმართველოს თანამშრომლები მეტროს მიმდებარე ტერიტორიაზე სამსახურებრივ მოვალეობას ასრულებდნენ, რა დროსაც, მათ ერთ-ერთ ნასვამ მოქალაქეს, რომელიც უწყების ცნობით, საზოგადოებრივ წესრიგს არღვევდა, წესრიგის დაცვისკენ მოუწოდეს. შედეგად, აღნიშნულმა მოქალაქემ პოლიციის თანამშრომელს - უბნის ინსპექტორ-გამომძიებელს - სახის არეში ცივი იარაღით დაზიანება მიაყენა.
1992 წელს დაბადებული შ. თ. ადგილზევე დააკავეს. ამ დროისთვის უცნობია, დაიწყო თუ არა გამოძიება და რა მუხლით. დამატებით ინფორმაციას "ტაბულა" მიღებისთანავე შემოგთავაზებთ.
შსს
ნასვამმა მამაკაცმა უბნის ინსპექტორი ცივი იარაღით დაჭრა
imedinews.ge
