თბილისის მერიის ინფორმაციით, შპს "თბილსერვის ჯგუფის" მოვლა-პატრონობაში არსებულ ბაღებსა და პარკებში ვანდალურად დაზიანებულია და მოპარულია სხვადასხვა ჯიშის ხე-მცენარე.
"კერძოდ, ვაკის პარკში, ვერის და ვასო გოძიაშვილის სახელობის ბაღებში მოპარულია 27 ძირი "ტუია", დაზიანებულია - 484 ძირი "კვიდო" და საყოფაცხოვრებო ნარჩენებისთვის განკუთვნილი რამდენიმე ნაგავშემკრები კონტეინერი. აღნიშნულთან დაკავშირებით საპატრულო პოლიციის დეპარტამენტის მიერ ფაქტი დაფიქსირებულია და მიმდინარეობს გამოძიება", - აცხადებენ მერიაში.
ფოტო: თბილისის მერია
ტაბულა დაუკავშირდა საქართველოს შინაგან საქმეთა სამინისტროსაც. მოგვიანებით გახდება ცნობილი, რა მუხლით მიმდინარეობს გამოძიება.
