იაპონიის პრემიერმინისტრი შინზო აბე პირველი უცხოელი ლიდერი იქნება, რომელსაც ახლადარჩეული ამერიკის შეერთებული შტატების პრეზიდენტი დონალდ ტრამპი შეხვდება. აშშ-იაპონიის მეთაურების შეხვედრა ნიუ-იორკში მომავალ კვირას გაიმართება. შეხვედრა დღეს ტრამპისა და აბეს 20-წუთიანი სატელეფონო საუბრის დროს დაიგეგმა.
ცნობისთვის, საარჩევნო კამპანიის დროს ტრამპი აშშ-ის სამხედრო ძალების იაპონიაში ყოფნის საფასურად, იაპონიას გადასახადების გაზრდისკენ მოუწოდებდა.