საქართველოს ბანკის ფონდმა "სიცოცხლის ხემ" შეზღუდული შესაძლებლობების მქონე (შშმ) ბავშვებისთვის კიდევ ერთი ინკლუზიური საგანმანათლებლო სივრცე მოაწყო. ფონდმა "სიცოცხლის ხემ" ორგანიზაცია "მზის შვილებს" 150-ზე მეტი დასახელების საგანმანათლებლო და მხატვრული წიგნი, ასევე მოტორიკის განმავითარებელი სათამაშოები გადასცა. ორგანიზაციას 21 ბენეფიციარი ჰყავს, დღეიდან ისინი შეძლებენ, სპეციალური ავეჯით და თვალსაჩინო მასალით აღჭურვილ სივრცეში, სწორედ მათი საჭიროებებიდან გამომდინარე, მიიღონ ინკლუზიური განათლება და კიდევ უფრო მეტად მოახდინონ სოციალური ინტეგრაცია.
ორგანიზაცია "მზის შვილების" ბენეფიციარები არიან დაუნის სინდრომის და აუტისტური სპექტრის მქონე ბავშვები. "სიცოცხლის ხის" მიერ მოწყობილ ინკლუზიურ საგანმანათლებლო სივრცეში კი სპეციალური სათამაშოების დახმარებით წარიმართება მეცადინეობა, ნატიფი მოტორიკის განვითარებისა და წერითი უნარ-ჩვევების გამომუშავებისათვის. ამასთან, ინკლუზიური საგანმანათლებლო ოთახის რეორგანიზაცია ადვილად არის შესაძლებელი მოსწავლის ინდივიდუალური სასწავლო მიზნებიდან გამომდინარე. ასევე, სპეციალური მეთოდით არის განლაგებული მრავალფეროვანი სამუშაო მასალები სხვადასხვა სირთულის დავალების შესასრულებლად.
დამატებითი ინფორმაცია იხილეთ: www.tree.ge
