აჭარის უმაღლესი საბჭოს არჩევნების მეორე ტური დასრულდა. 348-ვე უბანი დაიხურა და ამ დროისთვის, ხმებს ითვლიან.
30 ოქტომბერს საკუთარი არჩევანი დააფიქსირა უბნებზე მისულმა 114 202 ამომრჩეველმა, რაც საერთო რაოდენობის (308 576) 37%-ია. უსკო-ს ცნობით, ეს 15 პროცენტით ნაკლებია 8 ოქტომბრის არჩევნებზე დაფიქსირებულ აქტივობასთან შედარებით. არჩევნების პირველ ტურში ამომრჩეველთა აქტივობა 52.97% იყო.
ამომრჩეველთა აქტივობა ოლქების მიხედვით ასე გამოიყურება:
ბათუმის N79 ოლქი (68,69,70) – 50 847 ამომრჩეველი, 31.98 %.
ქობულეთის N71 მაჟორიტარული ოლქი- 20 117 ამომრჩეველი, 40.78 %.
ხელვაჩაურის N72 მაჟორიტარული ოლქი- 18 320 ამომრჩეველი, 38 07%.
ხულოს N73 მაჟორიტარული ოლქი (ხულო,ქედა,შუახევი)- 24 918 ამომრჩეველი, 47.79%.
უსკო-ს ინფორმაციით, აჭარის მასშტაბით უბნებზე დაიწერა დაახლოებით 40 საჩივარი, ოლქებში კი 15.
