ვიდეოფრაგმენტი, რომელზეც ასე ძლიერ ქილიკობთ, სასაცილო სულაც არაა. დავით თარხან-მოურავი ამ ფრაგმენტში საუბრობს თავის წინაპრებზე, ანუ საქართველოს მეფეებზე და საუბრობს არა იმიტომ, რომ თავი განიდიდოს, არამედ პასუხობს კონკრეტულ კითხვებს. გირჩევთ ეს ფრაგმენტი სრულად ნახოთ. ამაში არც შეურაცხმყოფელია რაიმე და არც სასაცილო. ამიტომ ნუ აღივსებით შურით. თან, უაზროდ. სხვათა შორის, ეს ვიდეოფრაგმენტი მინიმუმ ერთი წლისაა და სულ სხვა თემას ეხება. თარხან-მოურავს რომ კარგი წარმომავლობა აქვს, ეს ყველამ იცის, საიდუმლო არ არის. არც დასაცინია აქ რაიმე და არც ზედმეტად საამაყო... და ამ კაცს არავინ შეუწუხებია ამ თემით. ეს შური გულიდან ამოიღეთ. დამშვიდდით.
პატრიოტთა ალიანსი
ინაშვილი: ნუ აღივსებით შურით, თარხან-მოურავის კარგი წარმომავლობა ყველამ იცის
