გორის რაიონის მაჟორიტარობის კანდიდატის, ირაკლი ოქრუაშვილის შტაბის განცხადებით, ოქრუაშვილს დღეს საღამოს, ამომრჩევლებთან შეხვედრისას ცეცხლი გაუხსნეს. ოქრუაშვილმა რუსთავი 2-თან საუბრისას განაცხადა, რომ დაჭრილია მისი დაცვის წევრი და ერთი აქტივისტი, რომლებიც ამ დროისთვის გორის ჰოსპიტალში არიან მოთავსებული.
"შეხვედრა გვქონდა მოსახლეობასთან, მოვიდა 2 ტიპი უზრდელურად, ჩვენ ძალიან თავაზიანად, შემდეგ მოხდა შელაპარაკება, შემდეგ ამოიღო იარაღი და ისროლა ირაკლის მიმართულებით და დაგვეჭრა 2 კაცი. მათი მდგომარეობა სტაბიულურიაო ასე ამბობენ ექიმები,"- აცხადებს ირაკლი ოქრუაშვილის შტაბის წარმომადგენელი.
განცხადებას ირაკლი ოქრუაშვილი ერთ საათში საგანგებო ბრიფინგზე გააკეთებს.