პრეზიდენტის ყოფილი მრჩეველი ვანო მაჭავარიანი უშიშროების საბჭოს მდივნის მოადგილედ დაინიშნა. ამის შესახებ დღევანდელ ბრიფინგზე პრეზიდენტის პრესსპიკერმა ეკა მიშველაძემ განაცხადა.
"ვანო მაჭავარიანი კურირებას გაუწევს საერთაშორისო ურთიერთობებს. მას აქვს 25-წლიანი გამოცდილება დიპლომატიურ ურთიერთობებსა და უსაფრთხოების საკითხებში, რაც, ჩვენი აზრით, ძალიან წაადგება პრეზიდენტის ადმინისტრაციისა და უშიშროების საბჭოს საქმიანობას ამ მიმართულებით", - თქვა მიშველაძემ.
პრეზიდენტის ადმინისტრაციიდან წასვლის შემდეგ, ვანო მაჭავარიანი პაატა ბურჭულაძის ფონდის აღმასრულებელი დირექტორის პოსტს იკავებდა. მან ფონდი თებერვალში დატოვა.
