თბილისის მერიის ტრანსპორტის საქალაქო სამსახურის ინფორმაციით, რობი უილიამსის კონცერტთან დაკავშირებით, რომელიც ბორის პაიჭაძის სახელობის ეროვნულ სტადიონზე უნდა გაიმართოს, იცვლება სტადიონის მიმდებარედ საზოგადოებრივი ტრანსპორტის მოძრაობა.
"დიდუბიდან ქალაქის ცენტრისკენ მიმავალი ავტობუსები: N15, 20, 27, 33, 84 და 86 წერეთლის გამზირიდან ცაბაძის ქუჩისა და აღმაშენებლის გამზირის ნაცვლად, მოძრაობას გააგრძელებენ წინამძღვრიშვილის ქუჩით (დეზერტირების ბაზრის მიმდებარედ).
ხოლო, ცენტრალური უბნებიდან დიდუბისკენ მიმავალი მარშრუტები: N 20 და 33 თამარ მეფის ქუჩიდან მოძრაობას გააგრძელებენ წინამძღვრიშვილის ქუჩით. ამ შემთხვევაში, N15, 27, 84 და 86-ის მარშრუტებს ცვლილება არ შეეხება.
ანალოგიური სქემით იმოძრავებენ მიკროავტობუსებიც", - ნათქვამია განცხადებაში.
