ბოკერია: არანაირი კოალიციის გეგმა არ გვაქვს

ჩვენი ამოცანაა, იმისთვის, რომ უფსკრულისკენ მიმავალი გზიდან გავავუხვიოთ და ქვეყანა გადარჩეს, ეს პროცესი უნდა დამთავრდეს ოქტომბერში, ივანიშვილი მთლიანად უნდა ჩამოვაცილოთ ხელისუფლებას და მერე რეალური რეფორმები დავიწყოთ, რომ ქვეყანა წინ წავიდეს. ეს აუცილებლად მოხდება ოქტომბერში დემოკრატიული არჩევნების გზით. ჩვენ არანაირი კოალიციის გეგმა არ გვაქვს. ჩვენი გეგმაა, ქართველ ამომრჩევლებს ავუხსნათ ჩვენი კონკრეტული ეკონომიკური გეგმა და ხედვა, თუ როგორ უნდა გამოვიყვანოთ ქვეყანა ამ უმძიმესი კრიზისიდან, რომელშიც ის ივანიშვილმა შეიყვანა. ამ მხარდაჭერით გავიდეთ არჩევნებზე, რომელშიც ივანიშვილის რეჟიმს აუცილებლად დავამარცხებთ.