მანუელ ვალსი: ევროპა მეტ მიგრანტს ვეღარ მიიღებს

საფრანგეთის პრემიერმინისტრი მანუელ ვალსი აცხადებს, რომ ევროპული ქვეყნები გარკვეულ ლიმიტს მიუახლოვდნენ და მიგრანტების ახალ ნაკადს ვეღარ მიიღებენ.

"ჩვენ ვეღარ შევძლებთ მიგრანტებისთვის საცხოვრებლის მიწოდებას, ეს შეუძლებელია", - თქვა ვალსმა გერმანულ გამოცემა Sueddeutsche Zeitung-თან ინტერვიუში.

ვალსმა ასევე აღნიშნა, რომ ევროპულმა ქვეყნებმა საზღვრების დაცვა უნდა გააძლიერონ, რადგან, მისი თქმით, ეს ძალიან მნიშვნელოვანია ევროკავშირის მომავალისთვის.

"თუ ჩვენ ამას არ გავაკეთებთ, მაშინ ხალხი გვეტყვის: საკმარისია ევროპა!" - დასძინა ვალსმა.

შეგახსენებთ, რომ ევროპა, მეორე მსოფლიო ომის შემდეგ, მიგრანტების ყველაზე დიდი კრიზისის წინაშე დგას.