ერთიანი ნაციონალური მოძრაობა უკრაინას დამოუკიდებლობის დღეს ულოცავს. პარტიის განცხადებით, საქართველო ყოველთვის იქნება უკრაინის აქტიური მხარდამჭერი და მეგობარი.
"ერთიანი ნაციონალური მოძრაობა უკრაინელ ხალხს ულოცავს ეროვნულ დღესასწაულს - დამოუკიდებლობის დღეს და ქვეყნის ტერიტორიული მთლიანობისა და დამოუკიდებლობისათვის ბრძოლაში თანადგომას უცხადებს. ვუსურვებთ მშვიდობას და კეთილდღეობას. საქართველო ყოველთვის იქნება უკრაინის აქტიური მხარდამჭერი და მეგობარი", - აცხადებს ენმ.
უკრაინამ საბჭოთა კავშირისგან დამოუკიდებლობა 24 წლის წინ, 1991 წლის 24 აგვისტოს გამოაცხადა.