მაშინ, როდესაც ბიძინა ივანიშვილი გვიმტკიცებს, რომ ეკონომიკაში ყველაზე დიდი ცოდნა მას აქვს და მთავრობის ეკონომიკურ საქმიანობაში აქტიურად ერევა - ლარი ვარდნას განაგრძობს, სტატისტიკის სამსახურმა კი გასული წლის ეკონომიკური მონაცემები გამოაქვეყნა. მონაცემები დამთრგუნველია - ზრდის ნაცვლად, შემცირებულია ენერგეტიკის სფერო, დამამუშავებელი მრეწველობა. ზრდის ტემპი შემცირებულია სოფლის მეურნეობის, ავტომობილებით ვაჭრობის, რესტორნების და ტრანსპორტის სფეროშიც. მთავრობა უარს ამბობს იმის აღიარებაზე, რომ ქვეყანში კრიზისული ვითარებაა და კრიზისიდან გამოსვლის გეგმის არ არსებობასაც ამით ხსნის.
ბიზნესმენ თემურ ჭყონიას ვესაუბრებით ქვეყანაში არსებულ ეკონომიკურ მდგომარეობაზე.
